劇本殺LARP係咩黎?

劇本殺(LARP)，實境角色扮演遊戲，很著重氣氛，聲音，故事性，演繹，視覺效果等。

有多種類型劇本，如情感本，推理本，機制本，恐怖本等。每位玩家都會有不同視覺需要共同分享互動。玩家需要代入角色身份同情感，推理案情，掩飾身份，捉拿兇手～

你可以透過短短幾個小時，沉浸體驗他人一生既故事，可能令你笑，令你感動到喊，好多劇本都係你意想不到既結局。

來體驗下劇本殺神秘既魅力～期待同你地見面～

【每種類型介紹】

​

［情感本］ 玩家需代入角色情感故事，體驗談一場短短幾個鐘既戀愛，或感受各類情感如親情友情。部份主持會加入演繹和靈魂拷問，帶比玩家視覺同心靈上既衝擊，牽動玩家情緒波幅，令玩家感動到淚流滿面都係常見。文筆同伏筆一般比其他類型都要震撼。係玩家鍾意情感本原因之一。

［機制本］ 一般分為陣營類同歡樂類。陣營機制本係分組對決。如果冇分組對決既劇本會被定為歡樂機制類。用各種機制結合而成既劇本流程。適合團建或朋友聚開心玩既遊戲，好多機制本接近桌遊形式。

［推理本］ 大多都是懸疑謀殺案，玩家透過劇本線索來尋找真相、指出兇手，係劇本殺中最基本既類型。將案件故事還原稱為還原本。高難度的推理可稱為硬核本，呢D都係推理類。

［恐怖本］ 大部份被定義為微恐本，以恐怖故事、聲音和場景氛圍等包裝而成既劇本。讓玩家感受故事同推理後得知既恐怖劇情，細思極恐。部份資源足夠既店會加入單獨進入密閉空間實景搜證，提升冇人保護下既恐怖氣息！

一般都係以上幾大類，而我地店強項為［情感本］＆［陣營本］。新手們最好每種都體驗感受一次，先會知邊類適合自己！